Младинскиот репрезентативец на Македонија, Милан Ристовски заработи потешка повреда, поради која ќе мора да паузира најмалку шест месеци, објавија лекарите од неговата екипа.
Ова значи дека освен на клупски, тој ќе ги пропушти и одлучувачките натпревари за нашата млада репрезентацијата.
22-годишниот напаѓач на вчерашниот вечерен тренинг на Ријека се здобил со фрактура на десната нога и бил пренесен веднаш во болница, каде му била извршена итна операција. Според првичните инфоримации, повредата е незгодна бидејќи е во делот на зглобот. Како што стојат работите Ристовски поради оваа повреда нема да може да се врати на теренот до крајот на оваа календарска година, па така нема да му биде на располагање на селекторот Благоја Милевски за клучните четири средби од квалификациите за Европското првенство за играчи до 21 година.
Македонија во следниот период треба да игра уште четири натпревари, против Казахстан, два пати со Израел и во последното коло со Црна Гора.

