Тренерот на Атлетико (М), Диего Симеоне беше импресиониран од дебито на напаѓачот Луис Суарез со тимот од „Ванда Метрополитано“. Тој влезе во игра во 70-та минута во победата од 6:1 над Гранада и постигна два гола, а исто така имаше и една асистенција.
„Двата гола не ме импресионираа толку како неговата асистенција и движење на теренот. Самиот Суарез знае што треба да прави и го прави токму тоа – тој игра за тимот”, рече Симеоне по мечот.
„Трансферот на Суарез ни дава многу длабочина и ако сите од главната група ја искористатт минутажата што ќе ја имаат, тогаш сигурно ќе имаме добра сезона. Барам такви луѓе кога градам тим. Тие треба да знаат дека понекогаш ќе играат, а некогаш не. Така се формираат големи тимови и тоа е она што го барам“.

