Зенит сепак има намера да се засили со играчот за врска на Удинезе, Родриго Де Пол. Според одредени новинари во Италија кои ги следат трансферите, Зенит дал подобрена понуда за 26-годишниот аргентински фудбалер во износ од 30 милиони евра, но тоа не му се допаднало на италијанскиот клуб.
Удинезе бара 40 милиони евра за играчот. Де Пол потекнува од школата на аргентинскиот Расинг. Во Удинезе, играчот за врска се пресели во 2016 година од Валенсија, а износот на трансферот беше 3 милиони евра.
Во сезоната 2019/2020, Родриго одигра 35 натпревари, на кои постигна 7 гола и 7 асистенции. Договорот на играчот со клубот важи до 2024 година. Интернет порталот Трансфермаркт ја проценува вредноста на Родриго Де Пол на 30 милиони евра.