Играчот на Милан, Тео Хернандез, по доаѓањето од Реал Мадрид покажа дека е еден од најдобрите на бековската позиција во Серија А. Тој вети дека ако неговиот клуб се пласира во Лигата на шампионите ќе ја офарба косата во црвено-црна боја и ќе го истетовира грбот на Милан.
„Се пронајдов тука и се чувствувам како дома. Сакам да останам што подолго во клубот. Наша главна цел е да се пласираме во Лигата на шампионите, ако го оствариме тоа ќе ја офарбам косата црвено-црна и ќе го истетовирам грбот на Милан“ – вети фудбалерот.
„Росонерите“ за да ја остварат целта и да одат во Лигата на шампионите ќе треба да завршат во Топ 4 во Серија „А“.

