Давид Де Геа е најплатениот голман во англиската Премиер лига, според информациите кои ги објави веб страницата „The Spotrac“.
Шпанскиот репрезентативец заработува 413.412 евра неделно откако пред една година потпиша нов договор со „црвените ѓаволи“. Ова е скоро 250 илјади евра повеќе од вториот во рангирањето Кепа Аризабалага од Челзи, кој добива 165 365 евра неделно. Трет е Каспер Шмајхел од Лестер со 143.316 евра неделно.
Следни на списокот се Џордан Пикфорд од Евертон (110.419 евра), Бернд Лено од Арсенал (110.243 евра), Дин Хендерсон од Манчестер Јунајтед (110.243 евра), Уго Лорис од Тотенхем (110.243 евра) и Руи Патрисио од Вулверхемптон (110.243 евра).
За одбележување е дека Алисон Бекер од Ливерпул и неговиот сонародник Едерсон од Манчестер Сити се далеку подолу на ова рангирањето.
Алисон е деветти, со неделна плата од 99.219 евра, додека Едерсон со 71.658 евра е на 12-то место на рангирањето зад третиот голман на Ман Јунајтед, Серхио Ромеро (77.170 евра) и Фрејзер Форстер од Саутемптон (77.170 евра).
