Напаѓачот на Реал Мадрид, Еден Азар постигна гол против Хуеска во мечот од осмото коло на Шпанското првенство. Ова е прв гол на Белгиецот во 2020 година.
Напаѓачот успеа да погоди за прв пат по 392 дена. Еден Азар последен пат постигна гол против Гранада (4:2) на 5 октомври 2019 година. Азар годинава не пнемаше постигнато гол ниту за Реал Мадрид, ниту за Белгија.
Реал Мадрид го доби овој натпревар со 4:1,благодарение на головите на Азар, Валверде и двапати Бензема.
Ова е прв настап на Азар на на теренот во Шпанското првенство оваа сезона. Во сезоната 2019/2020, тој одигра 22 натпревари за Реал Мадрид во сите натпреварувања, на кои постигна 1 гол и 7 асистенции.
Азар се пресели во Реал Мадрид летото 2019 година од Челзи. Сумата на трансферот беше 115 милиони евра. Договорот на играчот со клубот важи до летото 2024 година.

