Од страна на лекарскиот тим на Лацио денес потврдиле дека по најново направените тестови за ковид-19, сите играчи имале негативни резултати.
„Целиот тим помина молекуларни тестови и се покажа дека се негативни. Сите играчи ќему бидат достапни на Симоне Инзаги за утрешниот натпревар“, објавија од Лацио.
Претходно беше објавено дека во римскиот клуб биле дијагностицирани три нови случаи на инфекција со коронавирус. Имињата на играчите не беа соопштени. Да потсетиме, напаѓачот Чиро Имобиле, играчот за врска Лукас Леива и голманот Томас Стракоша не патуваа во Санкт Петербург на мечот со Зенит во Лигата на шампионите поради позитивните резултати од тестовите за КОВИД-19.
Според извештајот, Имобиле, Леива, Стракоша, Андерсон и Лазари во моментов не тренираат со тимот.
Фудбалерите на Лацио утре во 12.30 часот на „Олимпико“ го играат дербито на колото со Јувентус, а во оваа средба влегуваат од 10-томесто на табелата со 10 освоени бодови по 6 одиграни натпревари.

