Фудбалската репрезентација на Македонија вечерва го одржа првиот тренинг во Скопје пред историскиот меч против Грузија во Тбилис за пласман на Европското првенство.
Селекторот Игор Ангеловски нема многу време за подготовка, само неколку тренинзи за да ја подготви тактиката со своите избраници за дуелот со Грузија. Добра вест за нашата репрезентација е враќањето на Ељиф Елмас, кој ги пропушти претходните дуели поради позитивен тест на коронавирус.

На денешниот собир се појавија сите, со исклучок на голманот Даниел Божиновски, кој е позитивен на ковид-19. Фудбалерите го одработија првиот тренинг во одлично расположение и се мотивирани да одговорат на големиот предизвик, а со тоа да се изборат за првиот пласман на Македонија на ЕП.

Натпреварот во Тбилиси против Грузија се игра в четврток со почеток од 18:00 часот.

