Фудбалската федерација на Грузија потврди дека во своите редови има позитивни фудбалери, па селекторт Вајс за дуелот со Македонија нема да може да смета на двајца играчи, Хвича Кварацхелија и Леван Шенгелија.
„Според протоколите на УЕФА на 10 ноември е направено тестирање на сите фудбалери и стручниот штаб, а резултатите покажаа два позитивни случаи. Истите повторно беа тестирани и откако и вториот резултат беше позитивен, играчите веќе се во изолација и ќе бидат под надзор на лекарски тим во наредните денови“, објавија од Грузиската фудбалска федерација.
Поради истата причина за Грузија не отпатуваа нашите репрезентативци Крсте Велковски и Кире Ристевски, што значи дека на утрешното финале меѓу Грузија и Македонија и во двете селекции ќе има играчи кои ќе недостасувата поради коронавирусот.

