Тотенхем објави загуба од околу 70 милиони евра за минатата сезона.
„Влијанието на пандемијата врз нашиот приход е значајно. Штотуку ја завршивме изградбата на стадион од 1,35 милијарди евра, која беше финансирана од клупски ресурси и долгорочни заеми. Во сезоната 2020/2021, навивачите сè уште не смеат да влегуваат на стадионите. Исто така, намалени се приходите со губење на споредни настани како што се натпревари во НФЛ, концерти и затворање продавници во рамките на арената. Проценуваме дека во тековната фискална година, потенцијалната загуба на приходот ако стадионот остане затворен за навивачите ќе надмине 165 милиони евра“– објави претседателот на бордот на директори на Тотенхем, Даниел Леви за „Скај Спортс“.
Тотенхем оваа сезона има освоено 20 поени во 9 кола и е на првото место на табелата во Премиер лигата.

