Во рамките на состанокот помеѓу селекторот на германската репрезентација Јоаким Лев и раководството на германскиот фудбалски сојуз било разгледано прашањето за можно враќање во националниот тим на играчите на Баерн, Томас Милер и Жером Боатенг, како и дефанзивецот на Борусија Дортмунд, Матс Хумелс .
Според „Спорт1“, Лев е подготвен да прифати враќање на овие играчи, но само ако има многу повредени играчи. Покрај тоа, не било дискутирано за поразот против шпанската репрезентација на натпреварот од Лигата на нации (0:6).
Претходно беше објавено дека Јоаким Лев ќе продолжи да работи како селектор на германската репрезентација. 60-годишниот селектор на германската репрезентација ги споделил со раководството на фудбалскиот сојуз своите идеи и идни планови.

