Македонската фудбалска репрезентација ги доби противниците во квалификациите за пласман на СП во Катар 2022 година. Објективно, тежок
Ќе биде патот на Македонија до Катар, а така сакаше ждребката одржана вечерва во седиштето на ФИФА во Цирих.
Репрезентацијата на Македонија беше извлечена од четвртиот шешир, па затоа и се очекуваше да добие силни противници. Македонија по ждрепката се најде во групата Ј, каде ќе играат селекциите на Германија, Романија, Исланд, Ерменија и Лихтенштајн. Шансите за пласман на нашата селекција на СП 2022 година се мали, но селекторот Ангеловски и фудбалерите ќе дадат се од себе за да бидат во игра за пласман на СП до крајот на овие квалификации.
Европска зона квалификации за Светското првенство 2022 година
ГРУПА А: Португалија, Србија, Република Ирска, Луксембург, Азербејџан
ГРУПА Б: Шпанија, Шведска, Грција, Грузија, Косово
ГРУПА Ц: Италија, Швајцарија, Северна Ирска, Бугарија, Литванија
ГРУПА Д: Франција, Украина, Финска, БиХ, Казахстан
ГРУПА Е: Белгија, Велс, Чешка, Белорусија, Естонија
ГРУПА Ф: Данска, Австрија, Шкотска, Израел, Фарски Острови, Молдавија
ГРУПА Г: Холандија, Турција, Норвешка, Црна Гора, Летонија, Гибралтар
ГРУПА Х: Хрватска, Словачка, Русија, Словенија, Кипар, Малта
ГРУПА И: Англија, Полска, Унгарија, Албанија, Андора, Сан Марино
ГРУПА Ј: Германија, Романија, Исланд, Македонија, Ерменија, Лихтенштајн

Натпреварите од првото коло ќе се играат на 24-25 март 2021 година, а последното десетто на 14-16 ноември 2021 година. Во мартовската и септемвриската репрезентативна рунда ќе се одиграат по три кола, додека во октомври и ноември по две.
Само првопласирани селекции ќе обезбедат директно учество на СП 2022 година, додека вторите ќе играат плеј-оф и тоа ќе мора да минат две рунди. Покрај десетте второпласирани од квалификациите, две репрезентации ќе обезбедат учество во плеј-офот и преку Лигата на нациите. Поточно двете најдобро рангирани во наредното издание на Лигата на нациите кои не се веќе пласирани на Светското првенство ќе учествуваат во полуфиналниот бараж.

