Екипата на Арсенал ја чека одлуката на ѕвездата на РБ Салцбург, Доминик Собослаи, дали сака да им се приклучи во јануари. „Топчиите“ се заинтересирани за офанзивниот играч за врска веќе подолго време и се верува дека ќе се обидат да го донесат во јануари, но ќе се соочат со сериозна конкуренција од РБ Лајпциг, Баерн Минхен и Реал Мадрид.
Според информациите, 20-годишниот Собослаи мора да одлучи каде ќе замине во јануари до 15 декември, во спротивно ќе остане во Салцбург до крајот на сезоната. Унгарскиот репрезентативец има откупна клаузула вредна 23 милиони фунти.

