Францускиот напаѓач на Реал Мадрид, Карим Бензема го држи рекордот во клубот по бројот на одиграни натпревари меѓу странците.
Бензема синоќа го одигра натпреварот од 13. коло во Ла Лига со Атлетико Мадрид. Овој натпревар беше 528. за 32-годишниот фудбалер во мадридскиот клуб. Французинот го собори рекордот на поранешниот бразилски дефанзивец Роберто Карлос по бројот на настапи за Реал Мадрид меѓу странците (527). Бензема игра во Реал Мадрид од 2009 година. Претходно, Реал Мадрид постави рекорд во Лигата на шампионите за најмногу пласмани во фазата на елиминации, односно најмногу пати помината група во ова натпреварување.
На натпреварот против Борусија Менхенгладбах, Бензема го постигна 50-от гол во групната фаза од Лигата на шампионите и се израмни со рекордерите Лионел Меси и Кристијано Роналдо .

