Спортските настани, а особено фудбалските натпревари што ќе се одржат во Лондон во блиска иднина, ќе се одржат без публика, а тоа ќе важи од среда.
Причината за ова е што случаите на новоинфицирани со КОВИД-19 во англиската престолнина се зголемила во последните денови, поради што Лондон се сели во т.н. Зона 3. Досега, градот беше дел од Зона 2, што им дозволуваше на тимовите во главниот град да примат 2.000 гледачи на нивните стадиони.
Сето ова значи дека лондонското дерби од следното коло во Премиер лигата – Вест Хем против Кристал Палас, како и домашните натпревари на Арсенал и Фулам, ќе се одржат без публика.
Единствениот натпревар од 13. коло, кој ќе има публика, ќе биде пресметката на врвот помеѓу Ливерпул и Тотенхем. Натпреварот е во среда на „Енфилд“, каде ќе присуствуваат 2.000 гледачи. Од среда, екипите од Премиер лигата кои во моментов ќе можат да бидат домаќини на гледачи на своите стадиони се Ливерпул, Евертон, Брајтон и Саутемптон.

