Зенит Санкт Петербург покажува интерес за бразилскиот напаѓач од екипата на Гремио, Пепе, пренесуваат медиумите во Русија. Исто така, Порто и Севиља се заинтересирани за овој фудбалер кој има 23-години.
Во информацијата се вели дека летото 2020 година, Гремио сакаше да добие најмалку 20 милиони евра за нивниот играч, но оваа сезона цената на напаѓачот падна на 15 милиони. Италијанскиот тим Рома исто така беше заинтересиран за играчот, но подоцна сметаа дека неговата цена е превисока.
Претходно, Порто веќе понуди 12 милиони евра за Пепе плус 3 милиони во вид на бонуси, но трансферот беше откажан поради несогласувања околу датумот на зделката. Пепе оваа сезона одигра 25 натпревари за Гремио, постигна 12 гола и 8 асистенции. Во бразилскиот шампионат, клубот, со освоени 42 бода, го зазема 5-то место на табелата.

