Менаџерот на Тотенхем, Жозе Мурињо беше прилично разочаран по поразот од Ливерпул. Тој не беше задоволен од резултатот и играта на неговиот тим, а згора на сè, ѕвездата на тимот Хари Кејн се повреди и ќе отсуствува долго време од терените.
„Тој беше повреден на двата зглоба. Прво по лошиот старт од Тиаго, а потоа уште еден тежок удар, не видов точно од кој. Но, ова се две повреди на двата зглоба, втората е полоша од првата. Тој ќе отсуствува барем неколку недели, не знам точно. Некои играчи не можат да бидат заменети, но кога ќе се случи такво нешто, ништо не можеме да сториме. Мора да се справиме со ситуацијата каква што е”, рече Мурињо.
После тоа, тој ги сподели своите впечатоци од самиот натпревар.
„Мислам дека започнавме добро, но непосредно пред да биде поништен голот на Сон, видовме каков ќе биде овој натпревар, посебно по одлична можност за Мане по сериозната грешка во одбраната. Бевме добро организирани во првото полувреме. Во второто полувреме требаше да направиме промени. Го изгубивме Хари, морав да ја сменам структурата на целиот тим. Се боревме против сопствените грешки. Некои од нив треба само да ги погледнеме и нема што повеќе да се коментира”, додаде Мурињо.

