Бруно Фернандеш е дефинитивно најдобриот играч на Манчестер Јунајтед откако во јануари минатата година дојде на „Олд Трафорд“.
Иако е апсолутен лидер на теренот, Португалецот доста заостанува во рангирањето на најдобро платените играчи на „црвените ѓаволи“. Играчот за врска во моментов има основна плата од 100.000 фунти неделно, а со сите бонуси може да достигне 180.000 фунти.
Според овој индикатор, тој е само на седмото место во клубот. Повисоки плати од него имаат Давид Де Геа, Пол Погба, Ентони Марсијал, Единсон Кавани, Маркус Рашфорд и Хари Мегваер.
Според „Сан“, клубот од „Олд Трафорд“ планира да ја зголеми платата на Бруно Фернандеш на лето со двојно зголемување на неговата основна плата. Со новата плата и соодветните бонуси тој ќе се доближи до двајцата најскапи играчи на Манчестер Јунајтед.

