Тренерот на Челзи, Томас Тухел го прокоментира убедливиот пораз на „сините“ на натпреварот од 30.коло во Премиерлигата против Вест Бромвич Албион (2:5)
„Да се игра 11 против 11 или 11 против 10 е голема разлика. Нема оправдување да примате пет гола кога сте тим на ниво на Челзи, но сите сме виновни за ова. Вклучувајќи ме и мене. По исклучувањето, не можевме да се прилагодиме на ситуацијата на теренот. Ова беше целосно изненадување. Обично играме доста самоуверено во одбраната, но денес бевме невнимателни и постојано правевме големи грешки. Бевме строго казнети и тешко е да се вратите толку брзо.
Не видов црвен картон, туку две големи грешки во нашата половина од теренот. Ова не е типично за нас, ние бевме како ‘рѓосан метал. Ние лесно грешевме и бевме казнети за тоа. Ова е целосно наша вина. Не предвидов што ќе се случи во второто полувреме. Се обидовме да обезбедиме одредена сигурност во дефанзивата со промена на формацијата во игра со тројца централни дефанзивци, но секогаш беше опасно кон нашиот гол. Имавме неколку шанси да се вратиме на мечот, но се браневме многу слабо“ изјави Тухел за „Би-Би-Си“.

