Тотенхем е подготвен да започне сериозна офанзива во текот на летото за да го привлече централниот дефанзивец на Саутемптон, Јаник Вестергaр.
28-годишниот Данец е еден од приоритетите на тренерот, Жозе Мурињо, пишува денеска – „Дејли експрес“. Португалецот ќе се обиде да ја засили одбраната со Милан Шкрињар од Интер и со данскиот играч кој е висок 199 сантиметри и покажува одлични партии.
Вестергарт во 2018 година беше привлечен од Борусија (Менхенгладбах) и досега има 70 натпревари и 4 гола со тимот на „светците“. Се проценува дека Тотенхем за неговиот потпис ќе треба да плати максимум од 18-20 милиони фунти.

