Динамо (З) вчера ја победи Локомотива во 28. коло од хрватското првенство, но очигледно остана без нашиот репрезентативец Аријан Адеми кој мораше да го напушти мечот во 57. минута.
Според пишувањата на хрватските медиуми, повредата на Адеми е сериозна, а некои претпоставуваат дека можеби се работи и за скршеница, која ќе биде сериозен проблем за настапот на Адеми и во дресот на нашата репрезентација која ја чека настап на ЕП.
„Адеми има оток на стапалото, треба да почекаме на рентгенот, но прогнозата не е премногу добра“, изјавил тренерот на „модрите“, Дамир Крзнар по натпреварот.
