Facebook Twitter Instagram
    Спортско Радио 90.3
    • Дома
    • Фудбал
    • Кошарка
    • Ракомет
    • Тенис
    • Домашен микс
    • Меѓународен микс
    Спортско Радио 90.3
    Home»Фудбал»Вечерва ќе ги дознаеме полуфиналистите во Лига Европа
    Фудбал

    Вечерва ќе ги дознаеме полуфиналистите во Лига Европа

    risteBy riste15/04/2021No Comments2 Mins Read
    Facebook Twitter Pinterest LinkedIn Tumblr Email

    Денес ќе бидат познати полуфиналистите на вториот најсилен клупски турнир на Стариот континент – Лига Европа. Како што се приближува крајот на натпреварувањето, станува се поинтересно.

    Несомнено најинтересен и највозбудлив дуел ќе се игра во Прага помеѓу Славија и англискиот Арсенал. На првиот натпревар на „Емирати“, чешкиот тим одигра нерешени 1:1 и непријатно ги изненади лондончани, кои се обидуваат да ја спасат сезоната триумфирајќи во Лигата на Европа и обезбедувајќи пласман во Лигата на шампионите. „Пред нас е вистинска битка, која мора да ја добиеме“, прокоментира менаџерот на Арсенал, Микел Артета, кој нема да смета на sвездата Пјер Емерик Обамејанг на овој натпревар. Неизвесен е и Мартин Одегард, а Давид Луис и Кирон Тирни не заминаа со екипата за Чешка.

    Другиот англиски претставник во оваа фаза – Манчестер Јунајтед, во голема мерка обезбеди предност по победата од 2:0 како гостин кај Гранада и денес треба само да го заврши започнатото. 20-кратниот шампион на Англија излегува расположен по убедливата победа над Тотенхем со 3:1 изминатиот викенд. Менаџерот Оле Гунар Солскјер се очекува да направи многу промени во составот, давајќи им шанса на играчи кои играат поретко.

    Честа на Шпанија во Лига Европа ќе ја брани Виљареал, кој денес е домаќин на Динамо Загреб по победата од 1:0 како гостин. Виљареал последен пат играше во полуфиналето во Европа пред пет години, кога загуби од Ливерпул во Лигата на Европа. Тренерот на „Жолтата подморница“ Унаи Емери нема да може да смета на Еступинјан и Ибора. Шпанците мора да бидат многу внимателни и да не го потценат противникот, бидејќи Хрватите покажаа голема сила во претходното коло против Тотенхем. После 0:2 на првиот натпревар, тие постигнаа целосен пресврт и во Загреб победија со 3:0.

    Во последниот четвртфинален реванш натпревар, Рома е домаќин на Ајакс. „Волчицата“ победи со 2:1 во Амстердам и денес мораат да го задржат водството. За Римјаните, освојувањето на Лигата на Европа е исто така цел, бидејќи тие не стојат добро во Серија А и најверојатно нема да бидат во зоната за настап во Лигата на шампионите. Во исто време, Ајакс сега е скоро сигурен шампион на Холандија и може целосно да се фокусира на Лигата на Европа.

    Реванш натпреварите од ¼ финалето во Лига Европа се играат вечерва со почеток од 21 часот.

    Share. Facebook Twitter Pinterest LinkedIn Tumblr Email

    Related Posts

    Македонија против Словенија го затвора неуспешното поглавје во Лигата на нациите Б -лига

    16/11/2026

    Англиската репрезентација постави рекорд по натпреварот против Шпанија

    16/11/2026

    Баерн Минхен бара дури 300 милиони евра за Мајкл Олисе

    16/11/2026

    Leave A Reply Cancel Reply

    СПОРТСКО РАДИО 90.3 / ВО ЖИВО
    МАРКЕТИНГ
    Следете не на Facebook
    Најнови вести
    • Македонија против Словенија го затвора неуспешното поглавје во Лигата на нациите Б -лига
    • Македонија се запиша во историјата на Младинските олимписки игри Дакар 2026
    • Ален и Адријан Рустемовски од утре ги започнуваат натпреварите на ЕП ви бокс У-23
    • Англиската репрезентација постави рекорд по натпреварот против Шпанија
    • Баерн Минхен бара дури 300 милиони евра за Мајкл Олисе
    За Спортско Радио
    Почнувајќи од 22 февруари 2005 година, Спортското радио 90.3 фм емитува исклучиво спортска програма, со повеќе од 15 часовна програма во живо. Концепцијата на Спортското радио 90.3 фм е пред се, брзо и точно информирање за сите спортски настани. Спортското радио 90.3 фм има традиција, преточена во нов спортски звук!

    © 2026 ThemeSphere. Designed by ThemeSphere.

    Type above and press Enter to search. Press Esc to cancel.