Екипите на Атлетик Билбао и Барселона вечерва во Севилја (21:30 ч.) ќе го одиграат финалето на Купот на кралот за сезоната 2020/21.
За Атлетик Билбао денешното финале е нивна втора шанса да го освојат Купот овој месец. Пред само две недели, Баскијците играа против големиот ривал Реал Сосиедад во решавачкиот натпревар за трофејот од минатата сезона, но заминаа со празни раце, откако го загубија финалето со 1:0.
Досега Атлетик го освои трофејот 23 пати, но последниот триумф им беше одамна, поточно во 1984 година, кога со 1-0 славеа над денешниот ривал. Во Барселона нема да бидат ништо помалку мотивирани за победа на овој натпревар. Каталонците веќе доживеаја големо разочарување оваа сезона, откако неславно беа елиминирани од Лигата на шампионите. Денешниот натпревар може да биде единствената шанса за тимот да освои трофеј оваа сезона.

