Англиската Премиер лига наскоро ќе ги објави санкциите што ќе важат за шесте клубови вклучени во создавањето на Европската Супер лига.
Според информациите на „Телеграф“, челниците на лигата имаат план да воведат парични казни за клубовите. Дали тие ќе бидат применети веднаш или ќе бидат одземени од приходите од емитување на натпреварите во Премиерлигата, засега не е познато. Сепак не станува збор за одземање на бодови од клубовите.
Да потсетиме, претходно Манчестер Јунајтед, Манчестер Сити, Ливерпул, Челзи, Арсенал и Тотенхем се приклучија на Европската Супер лига, но решија да се повлечат од неа по големите протести на навивачите. Сопствениците на Арсенал, Ливерпул и Манчестер Јунајтед, требаше да заземат позиции во раководството на новоформираната Супер лига.

