По натпреварот еден од најискусните во редовите на нашата репрезентација Иван Тричковски им се заблагодари на сите што му овозможија на негова возраст да заигра на едно ЕП.
„Ова искуство беше посебно за сите. Секој од нас треба да биде горд и задоволен за сè што направија на овој шампионат. Овие момци заслужуваат да бидат тука, оваа младина е иднината на Македонија. Горд сум на сите нив што ми овозможија на оваа возраст да заиграм на едно ЕП. Никој не сакаше да биде вака, но тоа е фудбалот. Може ако првиот гол ни беше признат, натпреварот ќе беше подруг. Сепак, сè на се, горди сме и одиме напред“, рече Тричковски.
Иван Тричковски е еден од оние кои можат да жалат многу затоа што неговиот гол во 10.минута беше поништен поради навистина минимален офсајд.

