Напаѓачот на Англија, Хари Кејн, кој вчера погоди два пати на мечот со Украина во 1/ 4 финалето на Европското првенство, сега има само 1 гол помалку од рекордот на Гери Линекер кој ја заврши кариерата со 10 погодоци на големите натпреварувања.
Тоа значи дека фудбалерот на Тотенхем ќе има можност на средбата со Данска закажана в среда на „Вембли“, да го изедначи или евентуално и да го надмине рекордот на Линекер. Интересно е тоа што поранешниот напаѓач сите голови ги постигнал на Светските шампионати.
Кејн кој во дресот на Англија има 59 мечеви во сите конкуренции, има постигнато 37 голови.

