Српскиот напаѓач во редовите на Реал Мадрид, Лука Јовиќ ова лето може да го напушти тимот од Мадрид. Новинарот Николо Скира го објави ова на својот профил на Твитер.
Според изворот, агентот на 23-годишниот Србин, Фали Рамадани, му ги понудил услугите на својот клиент на Интер. Од друга страна се вели дека клубот од Милано може да го позајми напаѓачот.
Јовиќ играше за Ајнтрахт Франкфурт од 2017 до 2019 година на позајмица од Бенфика. Потоа германскиот клуб го купи за 22 милиони евра и го препродаде во Реал Мадрид за 63 милиони евра. Минатата зима, Ајнтрахт Франкфурт повторно го позајми српскиот фудбалер. Минатата сезона, 23-годишниот напаѓач одигра 18 натпревари во германската Бундес лига и постигна четири погодоци.
На крајот на април беше објавено дека Реал Мадрид и Ајнтрахт Франкфурт можат да разменуваат напаѓачи во текот на летниот преоден рок. Напаѓачот на германскиот тим Андре Силва , кој се претстави добро минатата сезона, би сакал кариерата да ја продолжи во Шпанија. Реал Мадрид се интересираше за Португалецот и понуди да го размени Јовиќ за Силва со доплата за Португалецот од 20 милиони евра.

