Напаѓачот на Фиорентина, Душан Влаховиќ продолжува да го привлекува вниманието на европските гиганти со одличниот настап од почетокот на сезоната. Манчестер Сити е уште еден клуб кој се најде на списокот на клубови заинтересирани за Влаховиќ.
Договорот на Влаховиќ е до летото 2023 година, а тој одбива повторно да потпише. Затоа Фиорентина е подготвена да го продаде за да може да земе што повеќе пари за неговите права. Ова го најави претседателот на клубот Роко Комисо.Затоа се повеќе тимови будно ја следат ситуацијата околу напаѓачот и се надеваат дека ќе успеат да го земат во своите редови. Меѓу нив е и Манчестер Сити.
Менаџерот Пеп Гвардиола е навистина импресиониран од Србинот и сака да го има во својот тим. Згора на тоа, клубот минатото лето остана без Серхио Агуеро, а се шпекулира и дека може да дојде до раскинување на соработката со Феран Торес, па ќе има итно засилување во нападот. Покрај „Граѓаните“ меѓу кандидатите за Влаховиќ се уште и Тотенхем, Јувентус и Арсенал. Од почетокот на сезоната, фудбалерот има 15 гола на 17 натпревари. Неговата пазарна цена моментално е околу 50 милиони евра.

