Напаѓачот на Ливерпул, Роберто Фирмино продолжува со тренинзи, објавија од Ливерпул. Бразилецот заработи повреда при победата од 2:0 над Атлетико Мадрид на почетокот на ноември, поради што ги пропушти следните седум натпревари на својот тим.
И покрај неговото отсуство, Ливерпул во овој период оствари шест победи. За неколку дена тројца од играчите на кои Јирген Клоп не можеше да смета во последно време поради разни повреди се вратија и сега му се достапни на Германецот. Покрај Фирмино, тоа се Наби Кеита и Џо Гомез. Ливерпул утре и гостува на Астон Вила, а потоа ќе се сретне со Њукасл на 16 декември.
Потоа следува период во кој тимот мора да одигра шест натпревари за 16 дена. Згора на тоа, по мечот против Лидс на „Боксинг деј“, Ливерпул мора да ослободи две свои големи ѕвезди – Мохамед Салах и Садио Мане поради учеството во Африканскиот куп.

