Напаѓачот на Реал Мадрид, Еден Азар може да го напушти Кралскиот клуб, објавија шпанските медиуми. Истите информации велат дека играчот нема да го напушти Реал Мадрид во јануари.
Напаѓачот ќе донесе одлука за својата иднина на лето. Од Реал Мадрид се подготвени да ги слушнат предлозите на другите клубови за трансферот на Белгиецот, но проблем во реализацијата на трансферот може да биде високата плата на фудбалерот, која изнесува 13 милиони евра годишно. Претходно беше објавено дека играчот не сака да го напушти Реал Мадрид во зима, бидејќи не сака непотребни промени во животот поради претстојната принова во семејството.
30-годишниот Азар му се приклучи на мадридскиот клуб во летото 2019 година, преминувајќи од Челзи за 115 милиони евра. Во 56 натпревари за тимот, белгискиот играч постигна пет гола и даде девет асистенции. Договорот на Азар е со важност до 2024 година, а неговата вредност се проценува на 25 милиони евра.

