Лаутаро Мартинез беше еден од најдобрите играчи на Интер во петокот при победата на неговата екипа од 1:3 на гости против Специја, но неговата иднина во Интер е неизвесна.
Барселона може да ја искористи оваа ситуација со купување на играчот во следниот преоден рок, пишува „Кориере Дело Спорт“.
Според оваа информација во договорот за Мартинез би можеле да бидат вклучени Миралем Пјаниќ, кој моментално е позајмен во Бешикташ и Мемфис Депај, кој не е во плановите на тренерот на Барселона, Чави.
Претходно беше објавено дека Интер е подготвен да се раздели со напаѓачот Лаутаро Мартинез доколку на аргентинскиот фудбалер му бидат понудени 80 милиони евра. Во моментов неговата пазарна цена е проценета на 70 милиони евра.

