Напаѓачот на Манчестер Сити, Габриел Жесус може да ја продолжи кариерата во Арсенал, објави „Сан“.
„Граѓаните“ се подготвени да го ослободат 25-годишниот фудбалер во летниот преоден рок за да не го пуштат бесплатно да замине од тимот во летото 2023 година. Времето за настап на Жесус во Манчестер Сити ќе биде намалено по потпишувањето на напаѓачот на Борусија Дортмунд, Ерлинг Халанд.
Претходно беше објавено дека Жесус е на списокот на желби кај Арсенал, кој сака да ја засили напаѓачката линија. Жесус оваа сезона настапи на 39 натпревари, постигнувајќи 13 гола и 12 асистенции.

