Капитенот на Рома, Лоренцо Пелегрини, е избран за најдобар играч во Конференциската лига во оваа дебитантска сезона на овој турнир на УЕФА. „Волчицата“ од Рим дојде до првиот трофеј на европските турнири по победата од 1:0 во финалето одиграно во Тирана против Феенорд.
🌟7️⃣🌟
Presenting the UEFA Europa Conference League Player of the Season!#ASRoma | @LorePelle7 | #UECL pic.twitter.com/7SYv3ojTTr
— AS Roma English (@ASRomaEN) May 27, 2022
25-годишниот офанзивен играч за врска има постигнато 5 гола во Лигата на конференциите (вклучувајќи ги и квалификациите). Пелегрини се истакна и со 2 асистенции во 12-те натпревари оваа сезона, објави официјалниот сајт на УЕФА.
👕 2021/22 UEFA Europa Conference League Team of the Season, as selected by UEFA's Technical Observer panel 🙌#UECLfinal pic.twitter.com/qrMHnXh4EH
— UEFA Conference League (@europacnfleague) May 27, 2022
Во идеалниот тим на сезоната во Лигата на конференциите се уште тројца играчи на Рома – голманот Руи Патрисио, дефанзивецот Крис Смолинг и напаѓачот Теми Абрахам. Во единаесетмината се и пет играчи на финалистот Феенорд. Станува збор за дефанзивците Геертруида и Маласија, централниот бек Гернот Траунер и напаѓачите Луис Синистера и Сирил Десерс. Идеалниот тим го надополнуваат Димитри Паје од Олимпик Марсеј и Киернон Дјузбери Хал Сити.