Вниманието на јавноста изминатите месеци беше насочено кон тоа каде Ерлинг Халанд ќе ја продолжи својата фудбалска кариера,а од неодамна стана јасно дека тој ќе игра на „Итихад“.
Шампионот на Премиер лигата го потврди потписот на норвешкиот фудбалски интернационалец, а тоа значи дека на сметката на Борусија Дортмунд ќе легнат 75 милиони евра, колку што чинеше откупната клаузула на еден од најдобрите напаѓачи во светот.
„Голем ден за мене и моето семејство. Отсекогаш сум го гледал Манчестер Сити, ми се допаѓаше во последните сезони. Не можете да не му се восхитувате на нивниот стил на игра, тимот создава многу шанси, што е совршено за играч како мене. Ќе работам со еден од најдобрите менаџери во светот и мислам дека сум на вистинското место за да ги остварам своите амбиции“, рече Халанд.
https://twitter.com/ManCity/status/1536271702921039873?ref_src=twsrc%5Etfw%7Ctwcamp%5Etweetembed%7Ctwterm%5E1536271702921039873%7Ctwgr%5E%7Ctwcon%5Es1_&ref_url=https%3A%2F%2Fwww.gol.mk%2Ffudbal%2Foficijalno-toj-e-tuka-siti-go-pratstavi-golemoto-zasiluvanje-vo-napadot
Ерлинг Халанд на први јули официјално ќе му се приклучи на својот нов тим во кој ќе настапува во следните пет години.

