Поранешниот играч на Манчестер Сити, Винсент Компани стана нов тренер на Барнли. Ова го објави официјалниот сајт на англискиот клуб.
36-годишниот тренер го презеде Барнли откако се повлече од функцијата главен тренер на Андерлехт.
„Фудбалскиот клуб Барнли е навистина историски англиски тим и чест ми е што сум назначен за тренер на овој клуб. Со нетрпение очекувам да работам со играчите и да создадам позитивен, енергичен тим кој ќе ги воодушеви нашите навивачи. Импресиониран сум од менаџерската визија на клубот, која се усогласува со мојата и со нетрпение очекувам да ја одиграм мојата улога во следната важна сезона“ изјави Винсент Компани.
https://twitter.com/BurnleyOfficial/status/1536664758123888643?cxt=HHwWhoCw7ZadqtMqAAAA
Во сезоната 2022/2023 Барнли ќе игра во Чемпионшип и ќе се обиде веднаш да се врати во елитата на Англија.

