Македонските одбојкари со победа над Унгарија со 3-2 во сетови (25-22, 18-25, 25-15, 19-25 и 15-7) го освоија бронзениот медал на Ф4 турнирот од Европската сребрена лига 2022. По голема борба, нашите одбојкари и оваа година потврдија декане случајно се меѓу најдобрите европски селекции.
Во првиот сет беше забележана голема борба меѓу одбојкарите на двете репрезентации, но сепак во завршницата подобри беа Македонците со 25-22.
Унгарија доминираше во вториот сет и не ѝ дозволи на Македонија во ниту еден момент да го преземе водството, па го доби сетот со 25-18, додека нашите одбојкари во следниот сет вратија со иста мера (25-15).
Одбојкарите ни понудија возбудлив четврти сет во кој Македонија имаше водство само при 4-3, по што Унгарија ја презема контролата и го доби сетот со 25-19, додека во последниот сет Македонија беше одлична и го доби со убедливи 15-7.
Минатата година на завршниот турнир во Струмица го освоивме сребрениот медал.

