Менаџерот на Манчестер Сити, Пеп Гвардиола ќе добие 100 милиони фунти за зимски трансфери, тврдат дел од англиските медиуми. Според информацијата, шампионот иако ова лето ги доведе Ерлинг Халанд, Џулијан Алварез, Калвин Филипс и Серхио Гомес, се уште има „отворени апетити“ кон некои фудбалери кои Гвардиола ги сака во тимот.
Според пресметките, „граѓаните“ се во повеќе од добра финансиска кондиција и можат да си дозволат да потрошат прилично сериозна сума за трансфери и во зима. Гвардиола ќе има можност да процени каде ќе му треба адекватно засилување, особено од оние кои можеби ќе блеснат на СП во Катар.