Facebook Twitter Instagram
    Спортско Радио 90.3
    • Дома
    • Фудбал
    • Кошарка
    • Ракомет
    • Тенис
    • Домашен микс
    • Меѓународен микс
    Спортско Радио 90.3
    Home»Домашен микс»ИН МЕМОРИАМ: Почина Живко Дуковски
    Домашен микс

    ИН МЕМОРИАМ: Почина Живко Дуковски

    risteBy riste22/01/2023No Comments2 Mins Read
    Facebook Twitter Pinterest LinkedIn Tumblr Email

    Maкeдонскиот спорт загуби уште една своја голема легенда. Во 84-тата година од животот денеска во Скопје почина Живко Дуковски, големиот боксерски шампион, тренер и спортски функционер кој со многу што го задолжи спортот во Македонија.

    Дуковски засекогаш ќе остане запаметен како основачот на „Златниот гонг“ и тренерот кој создаде врвни боксерски имиња со кои освојуваше медали на Олимписките игри, Светските и Европските првенства. Асови кои се профилирале под негово водство се Самоиловски, Неџат Мемети, Руждија Калач, Азис Салуху, Реџепагиќ, Василев. Беше селектор на македонската селекција и еден од најуспешните тренери на државните првенства. Извесен период работеше и со Аце Русевски и Реџеп Реџеповски кои освоија бронзени медали на Олимписките игри. Со Руждија Калач во БК Скопје го подготвија Вели Мумин до двете бронзи на Европските првенства.

    Живко Дуковски, е роден на 5. август 1938 година. Како боксер првиот свој боксерски медал за Македонија го освои на Државното првенство на Југославија во 1957 година. Во финалето беше поразен од далеку посикусниот Миодраг Љубомировиќ. Ова беше голем успех за Македонија, а по враќањето Дуковски е пречекан од многу народ на железничката станица во Скопје. Боксерот на Метеалец од Скопје со своите 19 години изненади многумина, но со борбеноста и пожртвуваноста заслужено се најде во финалето. Од тогаш Дуковски ги трасира победоносните патеки на македонскиот бокс.

    Акумулираното искуство потоа го пренесе и на младите и во рамките на Младинското спортско друштво „Скопје“ од Автокоманда кое на негова иницијатива се трансформираше во боксерски клуб. Во 1968 година, во рамките на одбележувањето на Денот на ослободувањето на Скопје – 13 Ноември, беше иницијатор за почнување на едно од најпознатите домашни спортски манифестација „Златниот гонг“, кој и денес е препознатлив белег на македонскиот спорт.

    Живко Дуковски е избран во 10-те најуспешни тренери на векот во Македонија, беше член на Македонскиот олимписки комитет, а доби и големо признаие од ЕАБА, станувајќи член на Техничката комсија, како единствен Македонец.

    Share. Facebook Twitter Pinterest LinkedIn Tumblr Email

    Related Posts

    Македонија се запиша во историјата на Младинските олимписки игри Дакар 2026

    16/11/2026

    Ален и Адријан Рустемовски од утре ги започнуваат натпреварите на ЕП ви бокс У-23

    16/11/2026

    Украинецот Захариев е освојувач на 55. „Златен Гонг“

    15/11/2026

    Leave A Reply Cancel Reply

    СПОРТСКО РАДИО 90.3 / ВО ЖИВО
    МАРКЕТИНГ
    Следете не на Facebook
    Најнови вести
    • Македонија против Словенија го затвора неуспешното поглавје во Лигата на нациите Б -лига
    • Македонија се запиша во историјата на Младинските олимписки игри Дакар 2026
    • Ален и Адријан Рустемовски од утре ги започнуваат натпреварите на ЕП ви бокс У-23
    • Англиската репрезентација постави рекорд по натпреварот против Шпанија
    • Баерн Минхен бара дури 300 милиони евра за Мајкл Олисе
    За Спортско Радио
    Почнувајќи од 22 февруари 2005 година, Спортското радио 90.3 фм емитува исклучиво спортска програма, со повеќе од 15 часовна програма во живо. Концепцијата на Спортското радио 90.3 фм е пред се, брзо и точно информирање за сите спортски настани. Спортското радио 90.3 фм има традиција, преточена во нов спортски звук!

    © 2026 ThemeSphere. Designed by ThemeSphere.

    Type above and press Enter to search. Press Esc to cancel.