Се поизвесно е дека УЕФА ќе ја исфрли Барселона од Лигата на шампионите на една сезона поради инцидентот со Негреира.
Според одредени медиуми во Шпанија, УЕФА има став за изрекување на оваа санкција, која ќе биде во согласност со прописите и особено со делот наведен во чл. 50 од статутот на организацијата. Според него, УЕФА не треба да дозволи клуб да учествува во европски турнири доколку се докаже каква било „активност насочена кон местење или влијание на резултатот на кој било натпревар на национално или меѓународно ниво“.
Одземањето на правата за учество во вакви случаи е за една сезона. Според истите извори, УЕФА веќе побарала од Шпанската фудбалска федерација цела документација за случајот. Таа била пратена во Нион уште минатата недела. Весникот додава дека раководното тело на европскиот фудбал ќе одлучи за можната казна во јуни. Откако шпанските обвинители формално ја обвинија Барселона со тврдења дека исплатите на Негреира може да се гледаат како дејствија насочени кон фаворизирање на клубот при судењето на натпреварите, а со тоа и резултатите од натпреварите, а УЕФА ја побара документацијата за која станува збор, сепак, ова сценарио се чини сè поверојатно.
Ова би бил многу сериозен удар за клубот кој веќе има големи финансиски проблеми и на лето мора да го намали буџетот за плати за цели 200 милиони евра за да влезе во финансиската рамка на Ла Лига и да може да привлече нови играчи. Останувањето без приходите од Лигата на шампионите би го отежнало клупското работење.

