Facebook Twitter Instagram
    Спортско Радио 90.3
    • Дома
    • Фудбал
    • Кошарка
    • Ракомет
    • Тенис
    • Домашен микс
    • Меѓународен микс
    Спортско Радио 90.3
    Home»Тенис»Тенисерите со 3:0 поразени од Молдавија во Дејвис Купот
    Тенис

    Тенисерите со 3:0 поразени од Молдавија во Дејвис Купот

    sasoBy saso15/06/2023Updated:16/06/2023No Comments2 Mins Read
    Facebook Twitter Pinterest LinkedIn Tumblr Email

    Дејвис куп репрезентацијата на Македонија во второто коло од Б групата од Третата Европска зона од Дејвис купот е поразена од Молдавија со 3:0. По денешниот пораз нашата репрезентација утре во директен дуел со Кипар ќе решава за второто место во групата и со тоа шанса следната година да играме ранг повисоко, доколку загубиме ќе играме меч со третопласираната селекција од групата за опстанок во Третата зона. По денешниот триумф Молдавија го обезбеди првото место во групата Б и со тоа следната сезона да игра во Втората Светска зона.

    Последниот поен Молдавија го освои во игра на двојки. Амар Хусеиновиќ и Обрад Марковски се појавија како конкуренти на Илиа Снитари и Александер Цозбинов, откако победникот беше решен. По еден час и 31 минута дублот на Молдавија победи со 2-0 во сетови (63 75).

    Во двата сингл меча се водеше голема борба. Берк Бугариќ во првиот меч водеше со 1-0 во сетови откако го доби првиот сет со 6:4 во гемови, но сепак противникот направи пресврт и ги доби следните два сета со 6:2 и 6:3 што беше водство од 1:0 за Молдавија. Во вториот сингл Калин Ивановски по 70 минути игра го загуби првиот сет со 7:5 откако спаси неколку сет топки. Сепак во вториот сет по 2:0 во гемови за Ивановски, противникот направи серија од пет гема и при резултат од 5:2 Ивановски го предаде мечот.

    Во другите мечеви кои се играат во Ларнака денеска во второто коло Кипар ја совлада Малта со 3:0 од Б група, додека од А групата Црна Гора го победи Сан Марино и најверојатно го обезбеди второто место во А групата.

    Утре се играат дуелите од третото коло: Македонија – Кипар, Молдавија – Малта (Б група) и Естонија – Сан Марино (А група).

    Share. Facebook Twitter Pinterest LinkedIn Tumblr Email

    Related Posts

    Македонија против Словенија го затвора неуспешното поглавје во Лигата на нациите Б -лига

    16/11/2026

    Англиската репрезентација постави рекорд по натпреварот против Шпанија

    16/11/2026

    Баерн Минхен бара дури 300 милиони евра за Мајкл Олисе

    16/11/2026

    Leave A Reply Cancel Reply

    СПОРТСКО РАДИО 90.3 / ВО ЖИВО
    МАРКЕТИНГ
    Следете не на Facebook
    Најнови вести
    • Македонија против Словенија го затвора неуспешното поглавје во Лигата на нациите Б -лига
    • Македонија се запиша во историјата на Младинските олимписки игри Дакар 2026
    • Ален и Адријан Рустемовски од утре ги започнуваат натпреварите на ЕП ви бокс У-23
    • Англиската репрезентација постави рекорд по натпреварот против Шпанија
    • Баерн Минхен бара дури 300 милиони евра за Мајкл Олисе
    За Спортско Радио
    Почнувајќи од 22 февруари 2005 година, Спортското радио 90.3 фм емитува исклучиво спортска програма, со повеќе од 15 часовна програма во живо. Концепцијата на Спортското радио 90.3 фм е пред се, брзо и точно информирање за сите спортски настани. Спортското радио 90.3 фм има традиција, преточена во нов спортски звук!

    © 2026 ThemeSphere. Designed by ThemeSphere.

    Type above and press Enter to search. Press Esc to cancel.