Facebook Twitter Instagram
    Спортско Радио 90.3
    • Дома
    • Фудбал
    • Кошарка
    • Ракомет
    • Тенис
    • Домашен микс
    • Меѓународен микс
    Спортско Радио 90.3
    Home»Фудбал»Македонија водеше со 2:0, но загуби од Украина
    Фудбал

    Македонија водеше со 2:0, но загуби од Украина

    risteBy riste16/06/2023No Comments2 Mins Read
    Facebook Twitter Pinterest LinkedIn Tumblr Email

    Македонија загуби на вториот натпревар од квалификациите за ЕП во 2024 година и тоа на домашен терен од селекцијата на Украина со 2:3.

    Две различни полувремиња на нашата селекција, во првото играа, се надигруваа и ја контролираа играта, а во вториот дел како да играше сосема друга селекција која го загуби здивот во натрчувањето со противничката репрезентација.

    Почетокот на натпреварот беше со иницијатива на нашата репрезентација која се обидуваше преку крилните позиција да ја отвори одбраната на Украина. Сепак првите возбудувања се случија во 30.минута кога Матвиенко играше со рака во својот шестнаесетник, а судијата по асистенција на ВАР досуди пенал за Македонија кој го реализираше Енис Барди за водство на Македонија од 1:0.

    Нашата репрезентација продолжи со нападите кон противничкиот гол, а во 39.минута Елмас доби топка и од 20 метри упати силен и прецизен удар кој голманот Трубин не можеше да го одбрани и тоа беше водство на Македонија од 2:0, резултат со кој се замина на одмор.

    Во вториот дел Македонија почна добро и се обидуваше преку прекин да го загрозат голот на противникот, но казната стигна во 62.минута кога по изведениот корнер најдобро во скокот се снајде Забарни кој со глава го погоди голот на Димитриевски за намалување на резултатот на 2:1.

    Само шест минути подоцна Украина дојде до израмнување по пробивот од левата страна на Мудрик кој го проигра Коноплија кој упати силе удар по земја кој не успеа да го одбрани нашиот голман Димитриевски и гостите израмнија на 2:2 во 68.минута. Хендикеп за Македонија во 73.минута кога Муслиу заработи втор жолт картон и мораше да ја напушти играта и Македонија да продолжи со играч помалку до крајот на натпреварот.

    Целосен пад во играта на нашата репрезентација во финишот од натпреварот, а тоа знаеше да го казни Украина која преку Циганков постигна гол со глава за водство на Украина од 3:2 во 83.минута од натпреварот.

    До крајот на мечот Македонија не успеа да се закани кон голот на Украина која на крајот се радуваше на победата во Скопје.

    Share. Facebook Twitter Pinterest LinkedIn Tumblr Email

    Related Posts

    Македонија против Словенија го затвора неуспешното поглавје во Лигата на нациите Б -лига

    16/11/2026

    Англиската репрезентација постави рекорд по натпреварот против Шпанија

    16/11/2026

    Баерн Минхен бара дури 300 милиони евра за Мајкл Олисе

    16/11/2026

    Leave A Reply Cancel Reply

    СПОРТСКО РАДИО 90.3 / ВО ЖИВО
    МАРКЕТИНГ
    Следете не на Facebook
    Најнови вести
    • Македонија против Словенија го затвора неуспешното поглавје во Лигата на нациите Б -лига
    • Македонија се запиша во историјата на Младинските олимписки игри Дакар 2026
    • Ален и Адријан Рустемовски од утре ги започнуваат натпреварите на ЕП ви бокс У-23
    • Англиската репрезентација постави рекорд по натпреварот против Шпанија
    • Баерн Минхен бара дури 300 милиони евра за Мајкл Олисе
    За Спортско Радио
    Почнувајќи од 22 февруари 2005 година, Спортското радио 90.3 фм емитува исклучиво спортска програма, со повеќе од 15 часовна програма во живо. Концепцијата на Спортското радио 90.3 фм е пред се, брзо и точно информирање за сите спортски настани. Спортското радио 90.3 фм има традиција, преточена во нов спортски звук!

    © 2026 ThemeSphere. Designed by ThemeSphere.

    Type above and press Enter to search. Press Esc to cancel.