Тренерот на Манчестер Сити, Пеп Гвардиола зборуваше за тоа колку време ќе биде потребно играчот од средниот ред на Сити, Бернардо Силва да се врати на теренот по повредата која ја заработи.
„Тоа не е сериозна повреда, тој ќе биде надвор од терените 7-10 дена“, изјави Гвардиола за „Манчестер Ивнинг Њуз“.
Да потсетиме, португалскиот фудбалер се повреди на натпреварот од Лигата на шампионите со Црвена Звезда и беше заменет во 44. минута од средбата. „Граѓаните“ заминаа на пауза губејќи од противникот со резултат 0:1, но конечната победа во мечот ја извојуваа со резултат 3:1 благодарение на головите на Хулијан Алварез и голот на Родриго Ернандез.
Во тековното издание на англиската Премиер лига, Силва учествуваше на четири натпревари, на кои постигна еден гол и една асистенција.

