Англискиот играч за врска на Реал Мадрид Џуд Белингем направи анализа на натпреварот од 19. коло на Ла Лига со Мајорка, во кој неговата екипа победи со минимален резултат.
„Ова не беше нашиот најдобар натпревар, но три бода се три бода. Среќна Нова Година, Мадридисти!“ – напиша фудбалерот на социјалните мрежи.
Да потсетиме, Реал Мадрид синоќа ја победи Мајорка (1:0) во натпреварот од 19.коло во шпанското првенство и остана на лидерската позиција на табелата, со ист број на бодови како и Џирона. Стрелец на единствениот гол на натпреварот беше Антонио Рудигер. Во моментов, по 19 одиграни натпревари во шпанската Примера, Реал Мадрид е лидер со 48 бодови, колку што има и Џирона.
Во следниот натпревар од Ла Лига избраниците на Карло Анчелоти ќе играат против Алмерија. Натпреварот ќе се одигра на 21 јануари.

