Дефанзивецот на Баерн Минхен, Алфонсо Дејвис изјави дека ужива да игра за клубот од Минхен. Да потсетиме, изминативе месеци активно се шпекулира за интерес на Реал Мадрид за Алфонсо Дејвис.
„Се чувствувам многу удобно овде. Играм во неверојатен тим, за еден од апсолутните врвни клубови во Европа“, изјави Дејвис на социјалната мрежа Х (поранешен Твитер).
Оваа сезона, дефанзивецот учествуваше на 26 натпревари од сите натпреварувања, на кои постигна еден гол и три асистенции. Актуелниот договор на играчот со клубот трае до летото 2025 година. Според информациите објавени на порталот Трансфермаркт, пазарната вредност на фудбалерот е 70 милиони евра.

