Екипата на Интер која е на чекор до освојувањето на титулата во Серија А е се поблиску до потпишување на договор со бразилскиот репрезентативец Бенто, но допрва треба да постигне конечен договор со неговиот клуб Атлетико Параненсе. „Нероаѕурите“ го следат 24-годишниот голман од летото 2023 година, кога договорот не се оствари и Интер се засили со Јан Зомер.
Договорот на Бенто со Атлетико Параненсе е до декември 2026 година, но тој е подготвен да го направи следниот чекор во кариерата и да ја напушти татковината за да се пресели во Европа.
Бенто веќе некое време е на радарот на Интер, преставници на Интер лично го посетиле Бразил, а голманот е подготвен да го направи следниот чекор во кариерата во Италија. “Тутоспорт“ истакнува дека проблемот е што Атлетико Паранаенсе има ослободителна клаузула од 60 милиони евра и сака најмалку 15 милиони евра за да го продаде ова лето.
Интер, од своја страна, нема намера да потроши 15 милиони евра за нов голман, па двете страни преговараат за зделка од околу 8 милиони евра, на која ќе се додаде процент од следната продажба на Бенто.
Тој го имаше своето деби за Бразил во пријателската победа од 1:0 против Англија на стадионот „Вембли“ оваа недела.
Планот на Интер е Бенто да биде резерва на Јан Зомер следната сезона, за потоа Бразилецот да стане број 1 на голот на Нероаѕурите.

