Иван Анастасовски, професор на Факултетот за физичко образование, спорт и здравје, денеска на програмата на Спортско радио 90,3, проговори за 18 –от Европски конгрес на „FIEPS EUROPE“ и 6-та научна конференција –Истражување во физичкото образование, спортот и здравјето.
„Станува збор за голем настан кој треба да донесе одредени заклучоци кои ќе бидат корисни за спортот и општеството. Ќе има неколку значајни теми за обработка меѓу кои верувам дека поголем простор за дискусија ќе добијат – Спортскиот менаџмент и соработката со медиумите како и Спорт и туризам. Секако, значајно е да се разгледа холистичкиот пристап во предучилишното физичко образование како и новите технологи во физичкото образование и спортот“ – потенцираше професорот, Анастасовски во интервјуто за Спортско радио 90,3.
Конгресот во организација на – „ФИЕПС Европа“, Факултетот за физичко образование, спорт и здравје , Педагошки факултет и Федерацијата на спортски педагози на Македонија , ќе биде реализиран од 30 мај до 2 јуни во Охрид во Хотелот – „Метропол Лејк Ресорт“.

