Македонскиот атлетичар Дарио Ивановски постави нов државен рекорд на полумаратон од Европското првенство кое се одржува во Рим.
Тој претпладнево полумаратонот во италијанската престолнина го истрча со време со време од 1:04.01 час. Претходното најдобро време во оваа дисциплина исто така беше во сопственост на Ивановски и изнесуваше 1 час 4 минути и 45 секунди.
Ивановски трката ја заврши на 29. место во конкуренција на 64 натпреварувачи кои ја започнаа трката.
Златниот медал го освои домашниот претставник Јеманеберхан Крипа со време 1 час, 1 минута и 3 секунди. Втор беше Пјетро Рива исто така од Италија со една секунда заостанување, додека трет на целта стигна Германецот Аманал Петрос со време 1:01.07 час.

