Тренерот на Реал Мадрид – Карло Анчелоти, запиша ново историско достигнување во кариерата.
65-годишниот стручњак го предводеше Реал Мадрид до успех во финалето на Суперкупот на Европа, победувајќи ја Аталанта со 2:0. Така стана првиот тренер во историјата кој 5 пати го подигнал овој трофеј.
Анчелоти ги освои првите две вакви признанија додека беше на чело на Милан во 2003 и 2007 година. Тој ги додаде другите три со Реал Мадрид во 2014, 2022 и 2024 година. Така го престигна менаџерот на Манчестер Сити – Пеп Гвардиола кој има 4 вакви трофеи.
Исто така, тоа помогна 13-ти пат италијански тренер да го освои Суперкупот на Европа. На втората позиција во оваа единствена ранг-листа е Шпанија со 10 тренери кои го освоиле овој трофеј.

