Англискиот вицешампион Арсенал е во последната фаза од преговорите за потпишување на играчот од средниот ред на Реал Сосиедад, Микел Мерино. Репрезентативецот на Шпанија моментално е главна трансфер цел на Топџиите, кои напорно работат да го привлечат на Емирати, додека договорот е се поблиску, пренесува „Мирор“.
Спортскиот директор на Арсенал, Еду е во Шпанија каде ги води последните разговори со шефовите на баскискиот клуб. Реал Сосиедад не сака лесно да се откаже од една од своите ѕвезди и се обидува да добие што е можно повисока цена за неговите права, но вистината е дека клубот не е во премногу поволна позиција бидејќи договорот на играчот истекува следното лето, а потоа може да си замине како слободен играч.
Разговорите меѓу двете страни продолжуваат, а Арсенал се надева дека ќе најде компромис кој одговара на сите страни. Сепак, не е исклучено лондончани да ја откажат зделката доколку продолжат да бидат уценувани од Реал Сосиедад.
Инаку и самиот Мерино се обидува да ја забрза зделката. Тој веќе ги договорил условите со Арсенал и неговата желба е да се пресели на Емирати ова лето.

