По вчерашниот пораз на дербито со Вардар во Скопје, тренерот на битолски Пелистер Влатко Костов истакна дека дуелот го реши мал пад на концентрација кај неговите фудбалери.
„Сакам да му честитам на Вардар. Имавме еден рамноправен меч, дури и второто полувреме стоевме подобро на терен, но еден потег и прекин го реши мечот. Ние се плашевме дека во еден ваков тврд натпревар ќе дојде до тоа, но мал пад на концентрација во задната линија реши. Ова беше едно крајно коректно дерби во кое видовме машки фудбал. Задоволни сме и од приемот и од судењето. За ова што се случи на крајот, треба да си ја бараме вината кај себе и се надевам дека од овој меч ќе извлечеме поука“, изјави Костов.
Во третото коло од ПМФЛ, Вардар гостува кај градскиот ривал Шкупи, додека Пелистер ќе ја бара првата победа дома против Силекс.

